«Нұр-Сұлтан қаласының Қалалық орта сапасы және бақылау басқармасы» ММ Ресми сайты
Нашар көретiндер үшiн
Байланыстар:
8 (7172) 55-75-26, 55 75 39

БЖЗҚ

  • Виды пенсий, назначаемых Республикой Казахстан, условия возникновения права на их получение в рамках Соглашения ЕАЭС 14.04.2020 20 декабря 2019 года в Санкт-Петербурге прошло заседание Высшего Евразийского экономического совета, на котором главами государств-членов Евразийского экономического союза (ЕАЭС) было подписано Соглашение о пенсионном обеспечении трудящихся государств-членов ЕАЭС (далее – Соглашение), которое вступит в силу после прохождения процедуры ратификации всеми странами ЕАЭС.
    После вступления в силу Соглашения гражданин из любой страны ЕАЭС, в том числе Казахстана, временно проживающий и работающий по трудовому договору в странах ЕАЭС, будет формировать свои пенсионные права, путем уплаты пенсионных взносов в пенсионный фонд страны трудоустройства.
    Учитывая, что каждое государство-член ЕАЭС будет выплачивать гражданину часть пенсии, адекватную периоду работы и отчислениям пенсионных взносов в стране-трудоустройства, необходимо, чтобы трудящиеся официально оформляли трудовые отношения с работодателями в государствах-членах ЕАЭС, то есть заключали трудовые, гражданско-правовые договора, тем самым формировали свои пенсионные права.
    В свою очередь, реализация права на назначение и выплату пенсии за стаж работы, заработанной после вступления Соглашения в силу, будет осуществляться на тех же условиях, что и для граждан страны трудоустройства.
    Виды пенсий, назначаемых государствами-членами ЕАЭС, на которые будет распространяться Соглашение, определены статьей 2 Соглашения.
    В Казахстане Соглашение будет распространяться на правоотношения по уплате пенсионных взносов в ЕНПФ и на пенсионные выплаты из ЕНПФ:
    •    по достижении пенсионного возраста (по законодательству Казахстана);
    •    при установлении инвалидности 1 и 2 групп, если инвалидность установлена бессрочно (по законодательству Казахстана);
    •    единовременная выплата наследникам.
    Перечень документов для назначения и выплаты пенсии трудящемуся будет регулироваться национальным законодательством каждого государства-члена ЕАЭС.
    Трудящийся будет вправе обратиться за назначением и выплатой пенсии в компетентный орган государства проживания и (или) трудоустройства.
  • ИНФОРМАЦИОННОЕ СООБЩЕНИЕ 14.04.2020 Внимание, ложные сообщения в мессенджерах!
    8 апреля 2020 года

    Информация, распространяемая в мессенджерах, о том, что выплаты в размере 42 500 тенге осуществляются гражданам из их индивидуальных пенсионных накоплений в Едином накопительном пенсионном фонде (ЕНПФ), не соответствует действительности!
    Социальные выплаты гражданам, потерявшим доход в связи с введением чрезвычайного положения, в размере минимальной заработной платы осуществляются из Государственного фонда социального страхования (ГФСС).
    доступна на портале электронного правительства (egov.kz) либо на сайте 42500.enbek.kz.
    Просим граждан пользоваться только достоверной информацией из официальных источников!
  • АҚПАРАТТЫҚ ХАБАРЛАМА 14.04.2020 2020 жылдың 20 наурызы БЖЗҚ салымшыларының 2020 жылдың басынан бергі инвестициялық табысы 332 миллиард теңгені құрады «БЖЗҚ» АҚ-ның зейнетақы активтері 2020 жылдың наурыз айында 11,3 трлн теңгеден асып түсті (жыл басынан бергі өсім 4% пайызды құрады). Зейнетақы активтерін әр түрлі валюталардағы сенімді қаржы құралдарына инвестициялау тұрақты инвестициялық кірістілікті, сондай-ақ шетел валюталарына қатысты теңге бағамының өзгеруі тәуекелдерінен қорғауды қамтамасыз етеді. Зейнетақы активтері құрылымының 33,7%- дан астамы шетел валютасына номинацияланған қаржы құралдарынан тұрады. Олардың басым бөлігі (портфельдің 30,6%- ға жуық көлемі) - АҚШ долларында. Қоржынды валюталық әртараптандырудың, инвестициялар географиясы мен қаржы құралдары спектрін кеңейтудің арқасында халықтың зейнетақы жинақтарындағы таза инвестициялық кіріс үлесі тұрақты түрде өсуде. 2020 жылдың басынан бері таза инвестициялық кіріс 332,34 млрд теңгеден асты (2019 жылдың осы кезеңінде 66,8 млрд теңге). Наурыз айының бірінші жартысында салымшылардың шоттарына аударылған инвестициялық кіріс 192,45 млрд теңгені құрады (2019 жылдың осы кезеңінде 54,74 млрд теңге). Зейнетақы активтері бойынша жинақтардың сақталуы мен кірістіліктің теңгерімді деңгейін ұзақ мерзімге қамтамасыз ету мақсатында, Қазақстан Республикасының Ұлттық Банкі БЖЗҚ зейнетақы активтерін басқарушы ретінде ұлттық валюта - теңгемен де, шетел валютасымен де инвестициялар қабылдайтын әртараптандырылған инвестициялық портфельді қалыптастыру тұжырымдамасын ұстанады.
  • Зейнетақы туралы жиі қойылатын сұрақтар (Бес сұрақ. Наурыз) 14.04.2020 1. Сәлеметсіздер ме, менің әкем полицияда жұмыс істейді және мен болашақта ол кісінің зейнетақысын қалай алатынын білгім келеді. БЖЗҚ-ның болашақ төлемдерде алатын рөлі қандай? Немесе төлемдердің барлығы тек бюджеттен қамтамасыз етіледі ме? 2016 жылдың басынан бастап әлеуетті құрылым қызметкерлері 01.01.1998 жылға еңбек сіңірген жылдарының бар-жоғына қарамастан толық мемлекеттік зейнетақымен қамсыздандыруға ауыстырылды. Зейнетақы мөлшері ақшалай қамтылымның (АҚ) 50% есебінен белгіленді, бұл ретте еңбек сіңірген жылдарының әрбір жылы үшін (25 жылдан астам) зейнетақы мөлшері 2% – ға, еңбек өтілінің әрбір жылы үшін – АҚ-дан 1% - ға, бірақ республикалық бюджет туралы заңда белгіленген 109 АЕК-тен (288 959 теңге) аспайтын мөлшерге көбейіп отырады.
  • АҚПАРАТТЫҚ ХАБАРЛАМА 14.04.2020 Қазақстандықтардың зейнетақы жинақтары 11 триллион теңгеден асып түсті «Бірыңғай жинақтаушы зейнетақы қоры» АҚ-ның 2020 жылдың 1 наурызындағы негізгі көрсеткіштері Қазақстанның аса маңызды қаржы институттарының бірі «БЖЗҚ» АҚ-ның зейнетақы активтері 2020 жылдың алғашқы екі айында 283 миллиард теңгеге ұлғайды. Осылайша азаматтардың зейнетақы жинақтары 11 триллионнан асып, екі айдағы өсім 3% жетті. Зейнетақы жинақтарының негізгі сомасы міндетті зейнетақы жарналары (МЗЖ) бойынша қалыптасты және соңғы 12 айда 17% - ға ұлғайып, 10,8 трлн теңгені құрады. Міндетті кәсіптік зейнетақы жарналары (МКЗЖ) бойынша зейнетақы жинақтарының сомасы 257 млрд теңге (өсім 25%), ал ерікті зейнетақы жарналары (ЕЗЖ) бойынша зейнетақы жинақтарының сомасы 2 млрд теңгеге (өсім 6%) жуық.
  • АҚПАРАТТЫҚ ХАБАРЛАМА 14.04.2020 БЖЗҚ-дан берілетін ай сайынғы төлемнің ең жоғарғы сомасы 500 мың теңгеден асты 2020 жылдың ақпанында Қор жалпы алғанда 182 996 алушыға төлем жасады 2020 жылдың 1 наурызына жалпы сомасы 32,1 миллиард теңгені құрайтын 308 мыңнан астам зейнетақы төлемдері мен сақтандыру ұйымдарына аударымдар жүзеге асырылды, оның ішінде: - зейнеткерлік жасқа толу бойынша төлемдер - 12,2 млрд теңге; - ТТЖ кетуге байланысты - 8,4 млрд теңге; – сақтандыру ұйымдарына аударымдар - 5,4 млрд теңге; - мұрагерлік бойынша төлемдер - 5,2 млрд теңге; - жерлеуге төлемдер - 595,8 млн теңге; - мүгедектік бойынша төлемдер - 360,2 млн теңге. Бұл ретте кесте бойынша ай сайынғы орташа төлем сомасы (зейнеткерлік жасқа толуына байланысты) 22 026 теңгені, ал ай сайынғы төлемнің ең жоғарғы сомасы 506 980 теңгені құрады.
  • Үйден шықпай-ақ өзіңіздің жеке мәліметтеріңізге қалай өзгерістер енгізуге болады? 14.04.2020 Тұтынушылар арасында онлайн-қызметтерді алу танымалдығы артып келеді. Бұл өте ыңғайлы және ел үкіметі коронавирусқа қарсы күрес аясында қабылдаған карантиндік шараларға байланысты ерекше өзекті болып отыр. БЖЗҚ-да салымшыларға (алушыларға) электрондық форматта, яғни кеңселерге бару қажеттілігінсіз қызмет көрсетудің енгізілгеніне де бірнеше жыл болып қалды және бұл бастама сәттілікпен жалғасын табуда.
  • БЖЗҚ өзекті сауалдарға жауап береді. 14.04.2020 1. Қайырлы күн, қазір бүкіл әлем бойынша коронавирус пандемиясы өршіп тұр. Мен мейрамхана саласында жұмыс істеймін, бізді карантинге байланысты ақысыз демалысқа жіберді. Өкінішке орай, көпшілік сияқты біздің де ақшамыз таусылды, ал азық-түлік күн сайын қымбаттап жатыр. Менің БЖЗҚ-дағы шотымда 200 мың теңге көлемінде шағын ақшам бар, мен оны зейнетке шыққанға дейін мерзімінен бұрын ала алам ба? Бірыңғай жинақтаушы зейнетақы қорындағы қаражатыңызды мерзімінен бұрын алу мүмкін емес. «Қазақстан Республикасында зейнетақымен қамсыздандыру туралы» Қазақстан Республикасының заңына сәйкес жеке тұлғалардың зейнетақы активтеріне құқығы заттық құқықтар қатарына жатады және тек Заңда айқындалған мақсаттарға, соның ішінде Қазақстан Республикасының заңнамасына сәйкес зейнетақы төлемдерін жүзеге асыруға пайдаланылуы мүмкін.
  • БЖЗҚ-дағы Ашық есік күні 04.03.2020 Бірыңғай жинақтаушы зейнетақы қоры тұрғындар арасында ақпарат беру-түсіндіру жұмыстарын жүргізу аясында үстіміздегі жылдың 18 наурызында Қазақстан бойынша өзінің барлық филиалдарында «Ашық есік күні» шарасын өткізеді.
    Күн тәртібіндегі басты тақырып – «Алғашқы жарнаңызбен – БЖЗҚ-ға қош келдіңіз!» деп аталады.
    2019 жылдың 8 қаңтарынан бастап БЖЗҚ-да міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға тиісті өтінішті рәсімдеу үшін БЖЗҚ кеңсесіне келудің қажеті жоқ.Жеке тұлғаның БЖЗҚ-да МЗЖ бойынша ашылған зейнетақы шоты жоқ болса, алғашқы жарна келіп түскен сәтте зейнетақы шоты автоматты түрде ашылады. Бір жыл ішінде Қорда автоматты түрде 400 мыңдай жаңа зейнетақы шоты ашылды. Сәйкесінше сол шоттардың иелері «Ашық есік күні» шарасының ерекше қонақтары болмақ.
    Филиал мамандары оларға Қазақстанның жинақтаушы зейнетақы жүйесі, Қор қызметі туралы әңгімелеп, зейнетақы калькуляторы арқылы болашақ зейнетақыны есептеу жолдарын үйретіп, зейнетақы шотынан ақпарат алудың заманауи тәсілдерін ұсынады.
    Аталмыш шараны өткізудегі басты мақсат – салымшыларға толыққанды ақпарат беру және зейнетақы жүйесі мен Қор қызметтері бойынша сұрақтарға жан-жақты жауап беру.
    Біз сіздерді Нұр-Сұлтан қ-сы, Бигельдинов к-сі, 12 үй мекенжайында орналасқан БЖЗҚ АҚ Нұр-Сұлтан қаласы  филиалының кеңсесінде күтеміз.  
  • Аңдатпа – хабарландыру «БЖЗҚ» АҚ «Ашық есік күні» шарасына шақырады 04.03.2020 Бірыңғай жинақтаушы зейнетақы қоры 2020 жылдың 18 наурызында таңғы сағат 10.00-да Нұр-Сұлтан қ-сы, Бигельдинов к-сі, 12 үй мекенжайында  «Ашық есік күні» шарасын өткізеді.
    Басты тақырып – «Алғашқы жарнаңызбен – БЖЗҚ-ға қош келдіңіз!».
    2019 жылдың қорытындысы бойынша Бірыңғай жинақтаушы зейнетақы қорында автоматты түрде шамамен 400 мыңдай жеке зейнетақы шоты ашылды. Сондықтан көптеген жаңа салымшылар алдағы «Ашық есік күні» шарасы арқылы Қазақстан Республикасының жинақтаушы зейнетақы жүйесі мен Қор қызметі туралы толыққанды ақпарат алу мүмкіндігіне ие болады.
    Осы шара аясында «БЖЗҚ» АҚ филиалдарының мамандары келушілерге зейнетақыны жоспарлау, салымшылармен өзара байланысу арналары туралы әңгімелеп, зейнетақы калькуляторының көмегімен болашақ зейнетақыны есептеуге көмектесіп, барлық сұрақтар бойынша ақыл-кеңестер береді.
    Шара соңында барлық қатысушыларға бағалау сауалнамасы арқылы өздерінің ұсыныстары мен тілектерін білдіруге мүмкіндік беріледі.
    Тағы да еске саламыз, «Ашық есік күні» шарасы Нұр-Сұлтан қ-сы, Бигельдинов к-сі, 12 үй мекенжайында өткізіледі.
  • «БЖЗҚ» АҚ 2020 жылға арналған комиссиялық сыйақысы 21.02.2020 Зейнетақы активтерін инвестициялық басқаруға, кастодиандық қызметтерге, зейнетақы қызметтерін көрсету бойынша шығындарға, БЖЗҚ салымшыларының жеке зейнетақышоттарындағы жинақтарды инвестициялық және дербес есепке алуға қатысты комиссия шамамен екі есеге қысқарады. Қазақстан Республикасы Ұлттық Банкінің қаулысымен «Бірыңғай жинақтаушы зейнетақы қоры» акционерлік қоғамының комиссиялық сыйақысының 2020 жылға арналған шамасы: 1) инвестициялық табыс сомасының 2,0 пайызы; 2) зейнетақы активтерінің айына 0,011 пайызы көлемінде бекітілді. «Қазақстан Республикасында зейнетақымен қамсыздандыру туралы» Қазақстан Республикасы Заңына сәйкес Бірыңғай жинақтаушы зейнетақы қорының комиссиялық сыйақысының шекті шамасы: инвестициялық табыстың 7,5 пайызынан және зейнетақы активтерінің айына 0,025пайызынан аспайтын шекте белгіленетіндігін атап өткен жөн. 2014 жылдан бері комиссиялық сыйақының аталған шамалары талай рет азайтылды. Ал 2020 жылдың 1 қаңтарынан бастап белгіленетін комиссиялық сыйақының нақты шамалары заңда белгіленген шекті шамалардан: – инвестициялық табыс сомасынан – 3,75 есеге; – зейнетақы активтерінен – 2,3 есеге төмен. Комиссиялық сыйақының салыстырмалы және абсолюттік шамаларын азайтуға зейнетақы активтерін сенімгерлікпен басқаратын Ұлттық Банктің, сонымен қатар қаржы құралдарын инвестициялық есепке алу, жеке зейнетақы шоттарын дербес есепке алу, салымшылар мен алушыларға зейнетақы қызметтерін көрсету бойынша бірыңғай оператор – БЖЗҚ-ның атқарып жатқан тиімді жұмыстарының арқасында қол жеткізілді. Инвестициялық шығындар мен кастодиандық қызметтерге қатысты комиссиялық шығындар азайтылды. Бұдан басқа БЖЗҚ әкімшілік шығындары бизнес-үдерістерді автоматтандыру және қызметкерлердің еңбек өнімділігін арттыру, зейнетақы қызметтерін электрондық форматқа ауыстыру және операциялардың жалпы көлемінде олардың үлесін көбейту бойынша жүргізілген жұмыстардың арқасында, сондай-ақ әкімшілік шығындардың бір бөлігін меншікті активтерді инвестициялаудан түскен табыстар арқылы өтеу есебінен қысқартылды. Комиссиялық сыйақының шамаларын едәуір азайту – инвестициялық табыс пен салымшылар мен алушылардың зейнетақы жинақтарының артуына септігін тигізеді. «БЖЗҚ» АҚ-ның баспасөз орталығы
  • Зейнетақыңызды дер кезінде рәсімдеңіз 21.02.2020 Бірыңғай жинақтаушы зейнетақы қоры (бұдан әрі – БЖЗҚ, Қор) жалпыға белгіленген зейнет жасына толған адамдардың (ерлер 63 жасқа толғанда, әйелдер биыл 2019 жылдың 31 желтоқсанына дейін 59 жасқа, ал 2020 жылдың 1 қаңтарынан – 59,5 жасқа толғанда), I және II топтардағы мүгедектігі мерзімсіз болып белгіленген жандардың Қордан міндетті және міндетті кәсіптік зейнетақы жарналарынан құралған жинақтары есебінен арнайы кесте бойынша зейнетақы төлемдерін алуға құқылы екендігін тағы да еске салады. Айта кетелік, 2018 жылдың қазан айынан бастап мемлекеттік зейнетақылар мен БЖЗҚ төлемдерін рәсімдеу үшін бірыңғай өтініш пен құжаттар топтамасын «Бір терезе» қағидаты бойынша ұсынуды жүзеге асыру мақсатында Композиттік қызмет енгізілген болатын. Осылайша зейнет жасына толған азаматтар Қор төлемдерін рәсімдеу үшін жергілікті Халыққа қызмет көрсету орталығына, ал I және II топтардағы мүгедектігі мерзімсіз болып белгіленген жандар Қордың өз кеңсесіне немесе электрондық цифрлық қолтаңбасы бар болса, Қор сайты арқылы өтініш береді. Зейнетақы төлемдері өтініш берілген күннен бастап тағайындалады және жинақталған қаражат таусылғанша жүзеге асырылады. Бұл ретте өтініш пен құжаттар топтамасын Халыққа қызмет көрсету орталығына (яғни, зейнет жасына толуға) 10 күн қалғанда беруге болатындығын айта кеткен жөн. Алушы Қор төлемдерін рәсімдеу үшін өтінішпен қатар жеке басын куәландыратын құжаттың көшірмесі мен салыстыру үшін түпнұсқасын, сондай-ақ банк шоты туралы мәлімет ұсынады. Оның осы шотына Қор төлемдері мен мемлекеттік зейнетақылар ай сайын бір мезетте түсіп тұрады. Қордан зейнетақы жинақтарын біржолғы төлем ретінде де алуға болады. Бірақ біржолғы төлем зейнетақы жинақтарының көлеміне байланысты жүзеге асырылады. Егер зейнеткер өтініш берген күні оның шотындағы жинақтардың сомасы ең төменгі зейнетақының 12 еселенген мөлшерінен аспаса, бұл сома алушыға бір рет толығымен төленеді. Биыл (2019 жылы) ең төменгі зейнетақының көлемі: 36 108 теңге. Сәйкесінше оның 12 еселенген мөлшері: 433 296 теңге. «БЖЗҚ» АҚ зейнеткерлік жасқа толған және зейнетақы жинақтары бар азаматтарға Қордан зейнетақы төлемдерін алу қажеттілігі туралы үнемі хабарлап тұрады. Бірақ соған қарамастан қазіргі уақытта зейнет жасына толған 200 мыңнан астам адам әлі күнге дейін БЖЗҚ-ға келіп өтініш жасамаған. Дейтұрғанмен БЖЗҚ биыл жалпы сомасы 134 миллиард теңгеге 1,4 миллиондай төлемді жүзеге асырды. Оның ішінде белгіленген кесте бойынша ғана емес, зейнет жасына толуға байланысты біржолғы төлемдер, сондай-ақ мүгедектікке, жерлеуге, мұрагерлікке және шетелге тұрақты тұруға кетуге байланысты төлемдер де бар. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында). «БЖЗҚ» АҚ-ның баспасөз орталығы
  • Зейнетақы жинақтарын интернет арқылы қадағалаған тиімді 21.02.2020 Бірыңғай жинақтаушы зейнетақы қорында жеке зейнетақы шотын ашудың оңайлатылғанына бір жыл болды. 2019 жылдың 8 қаңтарынан бастап БЖЗҚ-да міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға ЖЗШ ашу жөніндегі өтінішті рәсімдеу үшін БЖЗҚ кеңсесіне келудің қажеті жоқ. Енді жеке тұлғаның БЖЗҚ-да МЗЖ бойынша ашылған зейнетақы шоты жоқ болса, алғашқы жарна келіп түскен сәтте зейнетақы шоты автоматты түрде ашылады. Бұл туралы Қазақстан Республикасының зейнетақы заңнамасына тиісті өзгерістер енгізілген. Жеке тұлға МЗЖ аудару барысында төлем тапсырмасының электрондық форматында көрсетілген дербес деректер (тегі, аты, әкесінің аты, жеке сәйкестендіру нөмірі, туған күні) бойынша танылады. Ал жеке басты куәландыратын құжаттың деректемелері, тұрақты тұратын жері бойынша барлық қажетті мәліметтерді Қор мемлекеттік органдардың ақпараттық жүйелерінен алады. Автоматты түрде ашылған жеке зейнетақы шотының жай-күйі туралы ақпарат салымшыға Қор кеңсесіне тікелей келген кезінде хабардар етіледі. Алайда зейнетақы шотынан ақпарат алудың ыңғайлы тәсілін таңдасаңыз, Қор сайтының жеке кабинетіне тіркеліп, зейнетақы жинақтарыңыздың жай-күйін Қор сайты немесе мобильді қосымшасы арқылы кез келген уақытта бақылай аласыз. Сонымен қатар жеке кабинетте зейнетақы шоты бойынша үзінді көшірмені алып, одан зейнетақы активтері бойынша ағымдағы көрсеткіштерді, шарттардың деректемелерін және басқа да ақпараттарды көруге болады. Жеке кабинетке қол жеткізу үшін БЖЗҚ кеңсесіне немесе «Қазпошта» АҚ бөлімшесінің трансфер-агентіне жүгініп, шоттан ақпарат алу тәсілін өзгертуге өтініш беру қажет. Ақпарат алудың электрондық тәсілін таңдаған соң, Қор қызметкері enpf.kz сайты және мобильді қосымша арқылы жеке кабинетке тіркелуге көмектеседі. Егер электрондық цифрлық қолтаңбаңыз бар болса, Қор сайтының жеке кабинетінде ақпарат алу тәсілін дербес түрде өзгерте аласыз. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында). «БЖЗҚ» АҚ-ның баспасөз орталығы
  • БЖЗҚ-да зейнетақы жинақтарының орташа сомасы тұрақты жарна аудару барысында шамамен 5 млн теңгені құрады 21.02.2020 Бірыңғай жинақтаушы зейнетақы қоры 2019 жылы атқарған қызметтерін алдын ала қорытындылады Міндетті зейнетақы жарналарын зейнетақы қорына 1998 жылдан бері тұрақты аударып келе жатқан салымшылардың шоттарындағы орташа жинақ сома ерлерде – 5,8 млн теңге, әйелдерде – 4,4 млн теңге. Бұл барлық салымшылардың шоттары бойынша алынған сан. 2019 жылдың қорытындысы бойынша салымшылардың МЗЖ есебінен ашылған шоттарындағы жинақтардың орташа сомасы жинақтаушы зейнетақы жүйесіне қатысу жылдарына қарамастан – 1,1 млн теңге (2018 жылмен салыстырғанда өсім – 11%), МКЗЖ бойынша – 500,2 мың теңге (өсім – 17%) және ЕЗЖ бойынша – 48,6 мың теңге болды. МЗЖ бойынша қалыптасқан жинақтардың орташа сомасы ерлерде – 1,2 млн теңге (жыл басынан бергі өсім – 10%), ал әйелдерде – 942,2 мың теңге (жыл басынан бергі өсім – 12%). Алайда бұл барлық салымшылардың шоттарынан алынған орташа цифрлар. Яғни, олардың ішінде еңбек жолын жаңадан бастап, Қорға міндетті зейнетақы жарналарын енді аудара бастағандар да, жарналарды жиырма жылдан бері тұрақты аударып келе жатқандар да бар. 2019 жылы БЖЗҚ-да белсенді салымшылардың саны – 6,6 млн адамды құрады. Зейнетақы шоттарына жарналар орташа есеппен – 8,13 рет аударылды.
  • ЕЭО: Зейнетақы бойынша Келісімге қол қойылды 21.02.2020 2019 жылдың 20 желтоқсанында Ресейдің Санкт-Петербург қаласында Жоғары Еуразиялық экономикалық кеңестің отырысы болып өтті. Онда Еуразиялық экономикалық одаққа (бұдан әрі – ЕЭО, Одақ) мүше-мемлекеттердің басшылары Еуразиялық экономикалық одаққа мүшемемлекеттердің еңбекшілерін зейнетақымен қамсыздандыру туралы Келісімге (бұдан әрі – Келісім) қол қойды. Еуразиялық экономикалық комиссия (бұдан әрі – Комиссия) Одақ елдерімен бірлесе отырып, Келісім жобасын әзірлеу жұмыстарын 2014 жылдан бері жүргізіп келген болатын. Осы Комиссияның сайтында атап көрсетілгеніндей, Келісім күшіне енген соң Одақ еңбеккерлері өз еліндегі жұмыс істеген кезең үшін ғана емес, Одақтың басқа елдерінде істеген кезең үшін де зейнетақы алатын болады. Әрбір мемлекет еңбек мигранттарына зейнетақыны өз заңнамасына сәйкес төлейді. Қамтылған зейнетақы түрлері Келісімде нақты белгіленген. Айта кетелік, бұған дейін ЕЭО мемлекеттерінің зейнетақы жүйелеріндегі өзгешіліктерге байланысты еңбек мигранттарының зейнетақы алу құқығы осы Одақ елдерінің барлығында бірдей (мысалы, Қазақстан мен Қырғызстанда) орындалмайтын. Ал Белоруссия мен Ресейде жұмыс берушілер еңбек мигранттары үшін жергілікті зейнетақы қорына зейнетақы жарналарынаударғанымен, мигранттар туған жеріне қайтқан соң, осы екі елде қалыптасқан зейнетақы құқықтарын жүзеге асыра алмайтын. Өйткені бұл елдердегі зейнетақы жинақтары басқа елге экспортталмайтын, яғни шығарылмайтын. Қазақстанда Келісім күші БЖЗҚ-ға зейнетақы жарналарын төлеу және зейнеткерлік жасқа толу, I және II топтағы мүгедектік мерзімсіз болып белгілену, мұрагерлерге біржолғы төлемдерді жүзеге асыруға байланысты Қордан зейнетақы төлемдерін төлеу бойынша құқықтық қатынастарға тарайтын болады. Мысалы, Келісім күшіне енген соң, Ресей Федерациясы, Армения, Қырғызстан және Белоруссия азаматы Қазақстанда еңбек шарты немесе азаматтық-құқықтық шарт бойынша жұмыс істейтін болса, онда ол Қазақстан Республикасының зейнетақы заңнамасының тәртібі мен шартына сәйкес БЖЗҚ-ға ай сайын зейнетақы жарналарын аудару арқылы жинақтаушы зейнетақы жүйесіне қатысады. Бұл ретте жинақ ақшаны зейнет жасына толғанда немесе I және II топтағы мүгедектік мерзімсіз болып белгіленген жағдайда, сондай-ақ Қазақстан Республикасының зейнетақы заңнамасында көзделген басқа да жағдайлар туындағанда алуға болады. Мысалы, Келісім күшіне енген соң Қазақстан азаматы Одақ елдерінің бірінде бірнеше жыл еңбек ететін болса (мысалы, 3-5 жыл), сол елдің зейнетақы заңнамасы бойынша зейнетақы алу құқығы туындаған кезде (зейнет жасына толу, белгілі бір еңбек өтілінің болуы, жеке зейнетақы коэффициентінің саны), бұлел қазақстандық азаматқа еңбек өтіліне қарай зейнетақы тағайындайды. Бұл ретте Қазақстан азаматы тиісті өтініш пен құжаттар топтамасын ЕЭО елдерінің Зейнетақы қорына немесе БЖЗҚ-ғатапсыра алады. Атап өту керек, еңбекшілердің зейнетақысын тағайындау және төлеуге қажетті құжаттар тізімі Одаққа мүше әрбір елдің ұлттық заңнамасы бойынша реттеледі. Келісім ЕЭО елдерінің барлығы ратификациялаған, яғни бекіткен соң күшіне енеді. «БЖЗҚ» АҚ-ның баспасөз орталығы
  • 2020 жылдың 1 қаңтарындағы жағдай бойынша БЖЗҚ зейнетақы активтерінің инвестициялық портфелі 21.02.2020 Зейнетақы активтерін басқару бойынша толыққанды есеп enpf.kz сайтында жарияланған. Алматы, Қазақстан – 2020 жылдың 1 қаңтарына қарай Қазақстан Республикасы Ұлттық Банкінің сенімгерлік басқаруындағы БЖЗҚ зейнетақы активтерінің көлемі – 10 798,31 млрд теңге болды. БЖЗҚ ресми сайтында зейнетақы активтерін басқару бойынша инвестициялық портфель туралы толық ақпарат жарияланған. Ол «Көрсеткіштер»-«Инвестициялық қызмет» бөлімінде мына сілтеме бойынша қолжетімді: https://www.enpf.kz/upload/medialibrary/3c7/3c70a3b031ce2f6ead2f84c6fa86d3ce.pdf. 2019 жылы зейнетақы активтерінің табыстылығы 6,57 пайызды құрады. Ал инфляция деңгейі осы кезеңде 5,4 пайыз болды. Бұл зейнетақы активтерінің нақты табыстылығы оң сипатқа ие екендігін көрсетеді. 2019 жылы есептелген инвестициялық табыстың жалпы сомасы 699,77 млрд теңгеге жетті. Зейнетақы активтері бойынша алынған инвестициялық табыстың құрылымы мынадай: – бағалы қағаздар, орналастырылған салымдар және «кері РЕПО» операциялары бойынша сыйақы түріндегі табыстар 665,06 млрд теңге; – бағалы қағаздарды нарықтық қайта бағалаудан болған табыстар (шығындар) (35,35) млрд теңге; – шетелдік валютаны қайта бағалаудан түскен табыстар (шығындар) (7,37) млрд теңге; – сыртқы басқарудан түскен табыстар 12,94 млрд теңге; – басқа активтерді (ТҚҚ) қайта бағалаудан түскен табыстар (шығындар) 19,8 млрд теңге; – басқа да табыстар 44,69 млрд теңгені құрады. Қордың зейнетақы активтері портфелінің басым бөлігі Қазақстан Республикасының мемлекеттік бағалы қағаздарына (40,45 пайыз) тиесілі. Өйткені ол тұрақты және табысты қаржы құралы. Бұл бағалы қағаздардың ағымдағы құны – 4 368,01 млрд теңге. Жыл басынан бергі өсім – 7,64 пайыз. Есепті күнге қарай теңгеде номиналданған ҚР мемлекеттік бағалы қағаздарының өтелуіне қатысты орташа алынған табыстылық жылына 7,8 пайыз, ал АҚШ долларында жылына 4,4 пайыз болды. 2020 жылдың 1 қаңтарына қарай шет елдердің мемлекеттік бағалы қағаздарының (МБҚ) ағымдағы құны – 1 235,06 млрд теңгені құрап, портфельдегі үлесі – 11,44 пайызды көрсетті. Есепті күнге қарай БЖЗҚ зейнетақы активтерінің портфеліндегі шет елдердің МБҚ өтелуіне қатысты алынған орташа табыстылық шетел валютасында жылына 2,2 пайызды құрады. 2020 жылдың 1 қаңтарына қарай Қазақстан Республикасының квазимемлекеттік ұйымдары облигацияларының портфельдегі үлесі – 14,86 пайыз болды. Осы қаржы құралының ағымдағы құны – 1 604,96 млрд теңге. Жыл басынан бергі өсім – 23,47 пайыз. Есепті күнге қарай ҚР квазимемлекеттік ұйымдарының теңгеде номиналданған облигациялары бойынша алынған орташа табыстылық жылына 10,4 пайызды, ал АҚШ долларында 5,0 пайызды көрсетті. Қазақстанның екінші деңгейдегі банктерінің қаржы құралдары былайша көрсетілген: портфельдің 10,96 пайызы осы банктердің облигацияларына тиесілі. Олардың ұлттық валютадағы жылдық табыстылығы – 10,0 пайыз, ал АҚШ долларында – 6,4 пайыз. Депозиттердің үлесі – 2,36 пайыз, ал олардың орташа алынған жылдық табыстылығы теңгеде – 9,1 пайыз. Атап өту керек, 2019 жылы зейнетақы активтерін Қазақстанның екінші деңгейдегі банктерінің депозиттеріне орналастыру көлемі 22,74 млрд теңгеге (немесе 8,19%) төмендеді. Қордың зейнетақы активтері есебінен сатып алынған қаржы құралдарының инвестициялық портфелі валюталық тұрғыда былайша келтірілген: ұлттық валютада жасалған инвестиция көлемі – 66,69 пайыз, АҚШ долларында – 30,20 пайыз, басқа валюталарда – 3,11 пайыз болды. Қордың сенімгерлік басқарудағы зейнетақы активтері портфелінің құрылымдық үлестірілімі БЖЗҚ Инвестициялық декларациясына толығымен сәйкес келеді.
  • БЖЗҚ-да 2019 жылы 17 миллионға жуық қызмет көрсетілді 21.02.2020 2020 жылдың 1 қаңтарына қарай Бірыңғай жинақтаушы зейнетақы қорында зейнетақы қызметтерін көрсету аясында 16,9 млн операция орындалса, олардың 80 пайызы (13,6 млн) электрондық форматта жүзеге асырылды. 2018 жылмен салыстырғанда өсім 36 пайызға жетті. Дейтұрғанмен көптеген салымшылар зейнетақы қызметтерін алу үшін тікелей Қор мамандарына жүгінгенді қалайды. Еліміз бойынша күн сайын БЖЗҚ-ның барлық кеңселерінде шамамен 13 мың операция орындалады. 2019 жылы сәуір айында БЖЗҚ шалғай елдімекендерді зейнетақы қызметтерімен қамту үшін Қазпоштамен бірге осы ұлттық оператордың бөлімшелері арқылы зейнетақы қызметтерін көрсету бойынша ортақ жобаны іске қосқан еді. Қордың қызмет көрсету орталықтары жоқ елдімекендерде орналасқан Қазпошта бөлімшелерінің операторлары оқыту курсынан өткен соң, келушілерге зейнетақы қызметтерін көрсете бастады. Осылайша қазіргі және болашақ салымшылар БЖЗҚ-ның әр түрлі қызметтерін, оның ішінде зейнетақы шотынан ақпарат алу тәсілін интернет-байланысы тәсіліне ауыстыру қызметін алуға қол жеткізіп, Қазпошта бөлімшелері арқылы транфер-агенттік қызмет көрсету аясында барлығы – 1 298 операция жүзеге асырылды.
  • БЖЗҚ өзінің салымшыларына 210 миллиард теңгеден астам қаражат төледі 21.02.2020 2019 жылдың 12 айында 314 мыңнан астам алушы үшін 210 миллиард теңгеден астам зейнетақы төлемдері мен сақтандыру ұйымдарына аударымдар жүзеге асырылды. Оның ішінде:
              - зейнет жасына толуға байланысты – 69,8 млрд теңге;
    - мүгедектігі бар жандарға – 1,8 млрд теңге;
    - Қазақстаннан шетелге тұрақты тұруға кетуге байланысты – 50,5 млрд теңге;
    - мұрагерлік бойынша – 27,9 млрд теңге;
    - жерлеуге байланысты – 3,2 млрд теңге;
    - өмірді сақтандыру бойынша ұйымдарға – 56,9 млрд теңге
    - басқа тұлғаларға – 0,1 млрд теңге төленді.
    Кесте бойынша ай сайынғы зейнетақы төлемдерінің орташа сомасы – 21 165 теңге, ай сайынғы ең жоғары төлем – 514 666 теңге болды. Салыстыра қарасақ, 2018 жылы БЖЗҚ-дан 168,6 млрд теңге төленді. Бұл жерде өсім сақтандыру ұйымдарына жасалған аударымдарға байланысты болып отыр. Мысалы, 2018 жылы 26 млрд теңге, ал 2019 жылы бұдан екі есе жоғары – 56,9 млрд теңге аударылды. Оған басты себеп – былтырғы жылы зейнетақы аннуитетін алу үшін міндетті зейнетақы жарналарымен (МЗЖ) бірге міндетті кәсіптік зейнетақы жарналарынан (МКЗЖ) қалыптасқан жинақтарды пайдалану мүмкіндігі туындады.      
  • БЖЗҚ электронды үлгідегі қызметтерінің үлесі 80 пайызға жетті 11.02.2020 Бірыңғай жинақтаушы зейнетақы қоры электронды үлгіде көрсететін қызметтерді белсенді түрде енгізуде. Өткен жылы бұл бағытта жақсы көрсеткіштерге қол жеткізілді. Мысалы, салымшылар мен алушыларға көрсетілетін қызметтердің 80 пайыздан астамы, яғни 13,6 миллионнан астам қызмет цифрлық технологиялардың көмегімен орындалды. Бұл 2018 жылғы көрсеткішпен салыстырғанда 36 пайызға жоғары. Электрондық қызметтердің бірқатары жаңартылып, жетілдірілді. Солардың бірі – Қордың мобильді қосымшасы.  
  • Бес сұрақ. Желтоқсан 2019 25.12.2019

    1. Қайырлы күн, осыдан екі апта бұрын мен күйеуіммен ажырастым. Енді бізді алда сот күтіп тұр. Мүліктерді бөлісеміз. Менің сұрайын дегенім, зейнетақы жинақтары жұбайлардың бірге жинаған ортақ мүлігі болып табыла ма?  

    Қазақстан Республикасының «Неке (ерлі-зайыптылық) және отбасы туралы» Кодексіне сәйкес ерлi-зайыптылардың некеде тұрған кезінде жинаған мүлкі олардың бiрлескен ортақ меншiгi болып табылады. Ерлi-зайыптылардың ортақ мүлкiн иелену, пайдалану және оған билiк ету ерлi-зайыптылардың екеуінің келiсiмi бойынша жүзеге асырылады. Алайда зейнетақы активтері заттық құқықтар тобына жатады. Яғни, зейнетақы жинақтарының иесі және оның зайыбы бұл жинақтарға зейнет жасына толғанда немесе заңнамада көрсетілген басқа да жағдайлар туындамай жатып иелік ете алмайды.

    Осылайша Бірыңғай жинақтаушы зейнетақы қорында жатқан және алынбаған зейнетақы жинақтары ерлі-зайыптылардың ортақ меншігі болып табылмайды.

     

    2. Мен жеке кәсіпкер ретінде тіркеліп, өзімнің шағын бизнесімді бастадым. Білейін дегенім,Қорға аударатын зейнетақы жарналарымның көлемін қалай анықтауға болады?

    Жеке практикамен айналысатын адамдар, жеке кәсіпкерлер, сондай-адазаматтық-құқықтық сипаттағы шарттар бойынша табыс алатын жеке тұлғалар үшін өз пайдасына Бірыңғай жинақтаушы зейнетақы қорына төленетін міндетті зейнетақы жарналарының көлемі алатын табыстың 10 пайызы мөлшерінде, бірақ тиісті қаржы жылына белгіленген ең төменгі жалақы мөлшерінің 10 пайызынан кем емес және 50 еселенген мөлшерінің 10 пайызынан жоғары емес мөлшерде белгіленеді.

    Еске саламыз, 2019 жылы ең төменгі жалақы мөлшері 42 500 теңге болды және алдағы 2020 жылы бұл сома өзгеріссіз қалады. Бұл ретте жеке практикамен айналысатын адам, сондай-ақ жеке кәсіпкер алатын табыстың көлемін өздері айқындайды.

    Табыс болмаған жағдайда жеке практикамен айналысатын адамдар, сондай-ақ жеке кәсіпкерлер тиісті қаржы жылына белгіленген ең төменгі жалақы мөлшерінің 10 пайызы есебімен өз пайдасына Қорға міндетті зейнетақы жарналарын аударуға құқылы. Міндетті зейнетақы жарналарын салық агенті ақшасыз төлем жолымен жүзеге асырады.

    Адвокаттар, жеке сот орындаушылары, жеке нотариустар, кәсіби медиаторлар, сондай-ақ азаматтық-құқықтық сипаттағы шарттар бойынша табыс алатын жеке тұлғалар егер банкте шоттары жоқ болса, міндетті зейнетақы жарналарын кейіннен БЖЗҚ-ға аудару үшін банкке қолма-қол ақшамен төлейді. Міндетті зейнетақы жарналарын банк арқылы қолма-қол ақшамен немесе қолма-қол ақшасыз төлеу Қазақстан Республикасының «Төлемдер және төлем жүйелері туралы» Заңда белгіленген тәртіппен жүзеге асырылады.

     

    3.Саламатсызба! Менің апам бірінші топтағы мүгедек. Сондықтан жұмыс істей алмайды. Ол болашақта Қордан лайықты зейнетақы төлемдерін алуы үшін Қордағы шотына ерікті жарна аудара аламын ба?

    «Қазақстан Республикасында зейнетақымен қамсыздандыру туралы» Қазақстан Республикасының Заңына сәйкес ешқашан жұмыс істемеген мүгедектер, мүгедектік тобы мен мерзімділігіне қарамастан БЖЗҚ-дан тек ерікті зейнетақы жарналарынан құралған жинақтар есебінен ғана төлемдер ала алады. Сондықтан Сіздің шешіміңіз дұрыс.

    Ерікті зейнетақы жарналары – салымшылардың ерікті түрде БЖЗҚ-ға өз пайдасына немесе үшінші тұлғаның пайдасына аударатын ақша. Ерікті жарналар апаңыздың болашақта мемлекеттік бюджеттен алатын базалық зейнетақысына елеулі қосымша қаражат болады.

    Қорға аударылатын зейнетақы жарналары бекерге жатпайды, әр түрлі қаржы құралдарына инвестицияланады. Сәйкесінше зейнетақы шотына күн сайын инвестициялық табыс есептеліп отырады.

    Айта кетелік, ерікті жарналардың мөлшері мен аудару жиілігін өзіңіз белгілейсіз. Мысалы, желтоқсан айында 10 000 теңге, ал қаңтар айында 4 000 теңге аударуыңыз мүмкін. Яғни, жарна көлемі қаржылық мүмкіндігіңізге байланысты.

    Айтпақшы, ерікті жинақтардың артықшылығы сол, оны 50 жасқа толған соң ала беруге болады. Бұл ретте алушы жинақ ақшасын өз қалауымен бір рет толығымен немесе бөліп: ай сайын, үш ай сайын немесе алты ай сайын ала алады. Бұл туралы өз өтінішінде көрсетеді. БЖЗҚ-дан ерікті зейнетақы жарналары есебінен төлемдерді алуға қажетті құжаттардың тізімі enpf.kz сайтында көрсетілген.

     

    4. Саламатсыз ба! Мен кейбір санаттағы адамдардың Бірыңғай жинақтаушы зейнетақы қорына міндетті зейнетақы жарналарын төлеуден босатылғанын естідім. Олар кімдер?

    «Қазақстан Республикасында зейнетақымен қамсыздандыру туралы» Қазақстан Республикасының Заңына сәйкес Бірыңғай жинақтаушы зейнетақы қорына міндетті зейнетақы жарналарын төлеуден:

    1) зейнеткерлік жасқа толған азаматтар(ерлер 63 жасқа толғанда, әйелдер биыл 31 желтоқсанға дейін 59 жасқа толғанда. Ал 01.01.2020ж. бастап әйелдер зейнетке 59,5 жаста шығады);

    2) бірінші және екінші топтардағы мүгедектігі мерзімсіз болып белгіленген жандар;

    3) әскери қызметшiлер (мерзiмдi қызметтегі әскери қызметшiлерден басқа), арнаулы мемлекеттік және құқық қорғау органдары мен мемлекеттік фельдъегерлік қызметтің қызметкерлері, сондай-ақ арнаулы атақтарға, сыныптық шендерге ие болу және нысанды киiм киiп жүру құқықтары 2012 жылғы 1 қаңтардан бастап жойылған адамдар;

    4) еңбек сіңірген жылдары үшін зейнетақы алатындар босатылады.

    Бұл ретте бірінші және екінші топтардағы мүгедектігі мерзімсіз болып белгіленген жандардың өтініші бойынша Қорға міндетті зейнетақы жарналарын төлеу одан әрі жалғасуы мүмкін.

     

    5. Таяуда зейнетақы шотым бойынша үзінді көшірме алдым. Бірнеше миллион теңге жиналып қалыпты. Алайда соңғы кезде кейбір банктердің таратылғанын немесе басқа банктермен біріккенін көріп жүрміз. БЖЗҚ-ның алдында ондай қауіп жоқ па? Жинақ ақшамыздың сақталуына кім кепілдік береді?

    Уайымдауға еш негіз жоқ. «Қазақстанда зейнетақымен қамсыздандыру туралы» Қазақстан Республикасы Заңының 5-бабына сәйкес зейнетақы төлемдерін алу құқығы туындаған шақта мемлекет алушының жинақтаушы зейнетақы жүйесіне қатысқан бүкіл кезеңіндегі инфляция деңгейін ескере отырып, оның атына Қорға аударылған мiндеттi зейнетақы жарналары мен мiндеттi кәсіптік зейнетақы жарналарының нақты енгізілген мөлшерінде сақталуына кепiлдiк бередi. Дәл мұндай кепілдік әлемнің ешбір елінде жоқ. Мысалы, Швеция, Австралия, Израиль, Норвегия, Мексика, Эстония елдерінде зейнетақы жинақтарының сақталуына ешқандай кепілдік берілмейді. Ал Чехия, Жапония және Словакияда зейнетақы жинақтарының табыстылығына кепілдік қарастырылмаған. Бұл елдерде зейнетақы қорларыжарналардың атаулы құнының, яғни, инфляцияны ескермей нөлдік инвестициялық табыстылықтың сақталуына ғана кепілдік береді.